आगामी वैशाख २४ गते शनिबार बलिउड गायिका आस्था गिलको काठमाडौंमा कन्सर्ट हुने भएको छ।
दरबारमार्गस्थित क्लब प्लाटिनममा आयोजना हुने ‘आस्था गिल लाइभ’ मा आफ्ना लोकप्रिय गीतसहित प्रस्तुत हुन लागेकी हुन्।
युहान इन्टरनेसनल इभेन्ट, फेलिज, एमी इन्टरटेनमेन्ट र क्लब प्लाटिनमले संयुक्त रुपमा आयोजना गर्न लागेको कार्यक्रमका लागि अग्रिम टिकट बुकिङ खुला भइसकेको छ।
जेनेरलका लागि १ हजार र भीआइपीका लागि २ हजार मूल्यका टिकट बिक्रीमा राखेको आयोजक सानु खानले बताएका छन्। कार्यक्रमको अनलाइन टिकेटिङ पार्टनर ग्लोबल अनलाइन पे रहेको छ।
फिल्म ‘फग्ली’ को पार्टी सङ ‘ढुप चिक’ बाट बलिउडको पार्श्व गायनमा पाइला चालेकी आस्थाका ‘अभी तो पार्टी सुरु हुई है’, ‘डिजे वाला बाबु’, ‘बज’, ‘नागिन’, ‘ह्याप्पी ह्याप्पी’, ‘कमरिया’ लगायतका गीत लोकप्रिय छन् ।
