मिलन डी काप्रीको निर्देशनमा बनेको फिल्म ‘षट्कोण’ को ट्रेलर सार्वजनिक भएको छ। साइकोलोजिक थ्रिलर फिल्मको ट्रेलर बुधबार सार्वजनिक गरिएको हो।
दुई मिनेट लामो सार्वजनिक ट्रेलरमा कर्मा एक मर्डर मिस्ट्रीको खोजीमा लागेको पत्रकारको भूमिकामा देखिएका छन्। निर्देशक मिलन डी काप्रीले फिल्म राम्रो बनेको भन्दै दर्शकले मन पराउने विश्वास व्यक्त गरे।
क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्ममा कर्मा र भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम, बाल कलाकार असिम लामाको अभिनय रहेको छ। शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् ।
आङ्छेन लामाले छायांकन गरेको फिल्मलाई सागर खनाल र निर्देशक मिलनले सम्पादन गरेका हुन्। यो फिल्म वैशाख २३ गते देखि प्रदर्शनमा आउँदैछ।
