खिल बहादुर गुरुङले निर्देशन गरेको फिल्म ‘मन्त्र’ को नयाँ गी सार्वजनिक भएको छ। फिल्मको ‘घरी घरी’ बोलको गीत सार्वजनिक भएको हो।
अल्मोडा र अप्सरा घिमिरेको स्वर रहेको ‘घरी घरी’ को भिडिओमा सौगात मल्ल र दिया पुनको प्रस्तुती छ।
हिमाली भेगमा खिचिएको उक्ता भिडिओमा सौगात र दिया हिमाली भेषभुषामा देखिएका छन्। सन्तोष सुनारको शब्द तथा संगीत रहेको गीतलाई ब्रिजेश श्रेष्ठले निर्माण गरेका हुन्।
सुरेश कार्की, रवि राज कार्की र सुभा श्रेष्ठले निर्माण गरेको फिल्ममा सौगात र दियासँगै बुद्धि तामाङ, नमिता तामाङ, वीरबहादुर लामा र पासाङ छिरिङ शेर्पाको अभिनय छ।
परिछेद सेनको कथा रहेको फिल्म ‘मन्त्र’लाई समतेन भुटिया, सुनिल नेउरे र स्वयः सेनले लेखेका छन्। संजय लामाले छायांकन गरेको फिल्मलाई मित्र डी गुरुङले सम्पादन गरेका हुन्।
‘मन्त्र’ वैशाख १६ गतेदेखि प्रदर्शन हुँदैछ।
