निमेष प्रधानले निर्देशन गरेको फिल्म ‘सम्झना बिर्सना’ को ट्रेलर सार्वजनिक भएको छ। सार्वजनिक ट्रेलरमा अभिनेता आकाश श्रेष्ठ र अभिनेत्री पूजा शर्माबीचको प्रेममा आउने उचार-चढावलाई देखाइएको छ।
आदित्य प्रधान र रेविका प्रधानले निर्माण गरेको फिल्ममा आकाश र पूजासँगै सुनिल थापा, शिशिर राणा, छुल्ठिम गुरुङलगायतका कलाकारहरुको पनि अभिनय रहेको छ। फिल्मको कथा तथा पटकथा निर्देशक निमेष प्रधान स्वयंले तयार पारेका हुन्।
शिव ढकालले छायांकन गरेको फिल्मलाई तारा थापा ‘किम्भे’ले सम्पादन गरेका छन् भने कमल राईको कोरियोग्राफी छ।
यो फिल्म जेठ ६ गतेबाट प्रदर्शन हुँदैछ।
