केकी अधिकारी अभिनित फिल्म 'सिल्ली फो' को प्रदर्शन मिति तय भएको छ। कमेडी जनराको फिल्म आगामी असार ३१ गतेबाट प्रदर्शनमा आउने भएको हो।
निर्माण समुहले फिल्मको पोस्टर सार्वजनिक गर्दै प्रदर्शन मिति बारेमा जानकारी दिएका हुन्। फिल्ममा चार जना 'सिल्ली' (मूर्ख) केटाहरूको कथालाई देखाइने छ।
राजबहादुर साने निर्देशन गरेको फिल्ममा केकी अधिकारीसँगै धिरेन शाक्य, रवीन्द्र झा, राजाराम पौडेल, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल (मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट(सागर), सौजन बोहोरा जयमन विश्वकर्माको अभिनय रहेको छ।
मनोज डिके निर्माता रहेको फिल्ममा विशाल श्रेष्ठ सह-निर्माता छन्।
दिव्य सुवेदी, वीरेन्द्र परियार, नरेन्द्र आलेले छायांकन गरेको फिल्मलाई तारा थापा किम्भेले सम्पादन गरेका हुन्। फिल्ममा देव महर्जनको द्वन्द्व, शिव विकको कोरियोग्राफी, पुरुषोत्तम न्यौपानेको संगीत, अनन्त घिमिरेको कलर, मदन बास्तोलाको भिएफएक्स छ। फिल्मको वितरणको जिम्मा श्रीराम बालाजी फिल्मसले लिएको छ।
