नेपाली संगीत प्रेमीहरूको लागि हार्ड रक क्याफे काठमाडौंले 'स्वीट नाइटमेयर' नामक एक उच्च उर्जा सिल ब्यान्डको प्रस्तुती लिएर आउने भएको छ। सन् २०२२ अप्रिल १२ तारिखदेखि जुन ९ तारिखसम्म साप्ताहिक रूपमा हरेक मंगलबारदेखि आइतवार साँझ ८ बजेपछि प्रतिभाशाली बहु-बाध्यबाजन बजाउने संगीतकर्मीहरूको समूह स्वीट नाइटमेयरले क्याफेमा प्रस्तुती दिने भएका हुन्।
ब्यान्डको लाइन अपमा पुरुष गायक तर्फ स्टेरी क्रिस्टोफोरस पालित, महिला गायकतर्फ डिन लिलियन वेरीशा युलियाना, बेसिस्ट एको सहबुद्दीन, गितारमा आदि नुरवेन्डा र ड्रममा जोय येहेजकिएल सिमांगुनसोङ जस्ता बहुऔप्रतिभाशाली रक संगीतकर्मीहरू छन्।
यी पाँच संगीतकर्मीहरूको ब्यान्ड स्वीट नाइटमेयर, आरएन्डबी, डान्स, पप कन्ट्री, हिपहप, ब्लुज रक, पप रक, ग्रुन्ज अल्टरनेटिभ रक, ग्याल रक, कन्टेम्परी मेटल भाइब्स विधाका संगीतलाई समायोजन गरी प्रस्तुत गर्न सिपालु ब्यान्ड हो।
स्वीट नाइटमेयरले यसभन्दा अघि हार्ड रक क्याफे जकार्ता, हार्ड रक क्याफे हङकङ, हार्ड रक क्याफे होची मिन्ह सिटी भियतनाम, हार्ड रक होटल माल्दिभ्स, हार्ड रक होटल शेन्जेन चाइना, हार्ड रक होटल मकाउ र जे दब्ल’ मरिओत्त, होटल क्वालालम्पुर र साङ्ग्रिला पेनाङ मलेशिया जस्ता पाँच तारे होटेलहरूमा आफ्नो प्रस्तुति दिइसकेका छन्।
विश्वका ६८ देशका २५३ शहरहरूमा आफ्नो सन्जाल रहेको हार्ड रक क्याफे विश्वव्यापी रुपमा एक प्रतिष्ठित कम्पनी हो। सन् २०२१ अक्टोबर २८ तारखिदेखि काठमाडौँमा सञ्चालन हुँदैछ।
हार्ड रकलाई उत्कष्ट विविधताका लागि उत्कृष्ट रोजगारदाता, महिलाका लागि शीर्ष रोजगारदाता र यात्रा र मनोरञ्जन, गेमिङ र मनोरञ्जन उद्योगमा शीर्ष रोजगारदाताले सम्मान समेत गरेको थियो।
