पछिल्लो समय पुरानो गीतको कभर बनाउने चलन छ।
कभर गीतकै क्रममा स्वर सम्राट नारायण गोपालको आवाजमा सजिएको लोकप्रिय गीत 'मलाई माफ गरिदेऊ' को कभर गीत सार्वजनिक भएको छ।
यो कभर लन्डनमा बस्दै आएका पन्जाबी गायक गेभी सिंहले गाएका हुन्।
यो गीतको भिडिओ एमटिएस प्रोडक्सनले निर्माण गरेको हो भने गीत संसार ब्लगको युट्युब च्यानलबाट रिलिज गरिएको छ। लन्डनमै खिचिएको यो गीतको निर्देशन जिएस जोन्नीले गरेका हुन्।
विदेशी र नेपाली सँस्कृतिलाई गाँस्ने उद्देश्य संसार ब्लगको रहेको जनाएको छ। त्यसैले नेपाली बोल्न नजान्ने पन्जाबी गायक गेभी सिंहलाई नेपाली गीत गाउन लगाइएको जनाइएको छ।
