अभिनेत्री वर्षा सिवाकोटीले शुक्रबार बिहे गरेकी छन्। उनले शुक्रबार आफ्नो सामाजिक सञ्जालमार्फत् यसबारे जानकारी दिएकी हुन्।
वर्षाले आफ्ना परिवार र निकट साथीहरूको उपस्थितिमा शुक्रबार आशिषसँष बिहे गरेको जानकारी फेसबुकमार्फत् दिएकी हुन्।
यसबाहेक उनले आफ्नो बिहे र श्रीमानबारे अरू विवरण खुलाएकी छैनन्। तर उनले अमेरिका बस्ने आशिष गेलालसँग बिहे गरेको बताइएको छ।
उनले लेखेकी छन्- हामीले परिवार र निकट साथीहरूका माझमा २०२२ अप्रिल २२ मा बिहे गरेको खबर सार्वजनिक गर्न पाउँदा खुसी लागेको छ। हामी नयाँ जीन्दगीको सुरूआत गर्न गइरहेका छौं। तपाईंहरू सबैले दिएको माया र सहयोगका लागि धेरै धन्यवाद। सप्रेम- आशिष र वर्षा।
अर्की अभिनेत्री केकी अधिकारीले पनि बिहीबार बिहे गरेकी थिइन्। उनले व्यवसायी रोहित तिवारीसँग बिहे गरेकी हुन्। केकीले पनि आफ्नो बिहेबारे आधिकारिक जानकारी फेसबुकमार्फत नै दिएकी थिइन्।
