विनोद ढकाल र गायिका अस्मिता अधिकारीको स्वर रहेको ‘सुन सानो कथा’ बोलको सार्वजनिक भएको छ। राजधानीमा एक कार्यक्रमबीच गीतको भिडिओ सार्वजनिक गरिएको हो।
गायक ढकालकै शब्द तथा संगीत रहेको गीतको संगीत संयोजन प्रमोद परियारले गरेका हुन्। भिडिओमा अभिनेता आर्यन सिग्देल र रोजी पन्तको अभिनय देख्न सकिन्छ। मोडल रोजी पन्तले यस अघि केही म्युजिक भिडिओमा अभिनय गरिसकेकी छन्। उनी फिल्म ‘पर्पला’ प्रदर्शनको पर्खाइमा छ।
‘सुन सानो कथा’मा माया-प्रेममा बिछोडको कथालाई देखाईएको छ। भिडिओ सार्वजनिक कार्यक्रममा बोल्दै अभिनेता आर्यनले सुन सानो कथामा आफ्नो कथा व्यक्त गरिएको र सबैको मनमा रहेको पिडा र व्यथालाई काल्पनिक रुपमा प्रस्तुत गरिएको बताए।
एम्सन इन्टरटेन्टमेन्ट र ओएमजी इन्टरटेन्टमेन्टको ब्यानरमा निर्माण गरिएको भिडिओको निर्देशन अनुभवी निर्देशक जनकदीप पराजुलीले गरेका हुन्। निर्देशक जनकदीप र आर्यन सिग्देलले १८ वर्ष पछि एकसाथ काम गरेका छन्। उनीहरुले यसअघि ‘घाँस काट्ने खुर्केर’ बोलको रिमिक्स गीतमा संगै काम गरेका थिए।
भिडिओको निर्माता सरस्वती गौतम, सिर्जना ल्वागुन र भिमराज रसाइली रहेका छन्। सागर प्रधानले छायांकन गरेको गीतको भिडिओलाई भरत रेग्मीले सम्पादन गरेका हुन्।
