लोकप्रिय गायक उदय सोताङ र भोइस अफ नेपाल फेम्ड गायिका गीता शर्माको स्वरमा ‘थाहा छैन’ बोलको गीत सार्वजनिक भएको छ।
बाध्यताले टाढिन पुगेका प्रेमिल जोडीको कथालाई गीतको भिडिओमा देखाइएको छ। गीतमा मुकुन भुषाल र बिमला लिम्बुको अभिनय देख्न सकिन्छ।
सुमन योञ्जनको शब्द रहेको गीतलाई स्वयम् गायक सोताङले संगीत भरेका हुन्। गीतमा कृष्ण लिम्बुको संगीत संयोजन रहेको छ।
सुमन योञ्जन निर्माता रहेको गीतलाई राजेश पुमा राईले निर्देशन गरेका छन्। उत्सव दाहालले छायांकन गरेको गीतको भिडिओलाई विकाश दाहालले सम्पादन गरेका हुन्।
देविथान म्युजिकको युट्युव च्यानल मार्फत भिडिओ सार्वजनिक भएको हो। यसअघि गीतकार योञ्जनको शब्दमा ‘फिदा’ ‘पानी पिउने’, ‘सरु सरु लाग्यो’ ‘कालापानी’ लगायत म्युजिक भिडिओहरू सार्वजनिक भइसकेका छन्।
