कार्म अभिनित फिल्म ‘षट्कोण’ को शिर्ष गीत सार्वजनिक भएको छ। सार्वजनिक गीतमा कार्मलाई मात्रै स्थान दिइएको छ।
कथा वाचन शैलीमा प्रस्तुत गरिएको गीतमा मर्डर मिस्ट्रीको अनुसन्धानको क्रममा आउने उताब चढाबलाई प्रस्तुत गरिएको छ।
विराज गौतमको स्वर रहेको गीतको शब्द तथा कम्पोज विशेष पाण्डे र विराज गौतमले गरेका हुन्। गीतका एरेञ्ज विशेष पाण्डे हुन्। फिल्मलाई मिलन डि काप्रिले निर्देशन गरेका हुन्। ‘षट्कोण’ उनको डेब्यू निर्देशन फिल्म हो।
क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्म आगामी वैशाख २३ गतेबाट नेपालभर प्रदर्शन हुनेछ। कोरोना महामारी अगाडि नै निर्माण भएको फिल्म अहिले प्रदर्शन गर्दा दर्शकको राम्रो साथ पाउने विश्वार निर्माण पक्षको छ।
फिल्ममा कर्मासँगै भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम, बाल कलाकार असिम लामाको अभिनय रहेको छ।
शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन्। आङ्छेन लामाले छायांकन गरेको फिल्मलाई सागर खनाल र निर्देशक मिलन डि काप्रिले सम्पादन गरेका छन्।
