अरुण लामाले निर्देशन गरेको फिल्म 'डोरी' को टिजर सार्वजनिक भएको छ।
बनेपास्थित शुभकामना हलबाट उक्त फिल्मको टिजर सार्वजनिक गरिएको हो।
सार्वजनिक टिजरमा विरेन्द्र सिंह, सौरभ नुतन र एन्जिला शसंकारलाई मात्र स्थान दिइएको छ।
राज थापा र चन्द्र थापाको लगानी रहेको फिल्ममा विरेन्द्र, सौरभ र एन्जिलासँगै सिद सिंह र सरोज लामिछानेको पनि अभिनय रहेको छ।
जी सेवेन प्रोडक्सनको ब्यानरमा निर्माण भएको फिल्म हरर, थ्रिलर, एक्सन र कमेडीको मिश्रणले भरपुर छ।
'नेपाली फिल्मको इतिहासमै यो फिल्मको फरक स्वाद छ,' निर्देशक लामाले भने। यसअघि केही लघु फिल्म, शर्ट फिल्म र डकुमेन्ट्री निर्देशन गरिसकेका लामाको यो डेब्यू निर्देशन फिल्म हो।
नारायण जिसीले छायांकन गरेको फिल्मलाई अनन्त घिमिरेले सम्पादन गरेका छन्। यो फिल्म चाँडै प्रदर्शन हुने बताइएको छ।
