अदिती बुढाथोकी र धिरज मगर अभिनित फिल्म 'बाबरी'को टिजर सार्वजनिक भएको छ।
सार्वजनिक टिजरमा धिरजले अदितीलाई फकाउँदै गरेको देख्न सकिन्छ। फिल्ममा धिरज नाडकरको पनि मुख्य भूमिका छ। तर उनलाई टिजरमा स्थान दिइएको छैन।
त्रिकोणात्मक प्रेमकथामा आधारित फिल्मलाई सुरेन्द्र पौडेलले निर्देशन गरेका हुन्। फिल्ममा बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला गुरुङ, दीलिप गुरुङलगायतका कलाकारको पनि अभिनय छ।
बाबरी फिल्मको प्रस्तुती र सुष्मा प्रोडक्सनको ब्यानरमा निर्माण भएको फिल्मको निर्माता गणेश बुढाथोकी पुष्पालता बुढाथोकी हुन्। सुष्मा गुरुङ सह-निर्माता रहेको फिल्मको कथा निर्देशक पौडेलले नै लेखका हुन्।
फिल्मको पटकथा तथा संवाद रितसिंह बोहोरा, सिजद दाहाल, मनोज त्रिपाठी र किशोर नेपालले मिलेर लेखेका हुन्। फिल्मको काठमाडौं, झापा, मोरङ र उत्तरी सिक्किमका विभिन्न रमणीय स्थानमा छायांकन गरिएको छ। नरेन्द्र मैनालीको छायांकन रहेको फिल्मका मुख्य सहायक निर्देशक रितसिंह बोहरा हुन्।
यो फिल्म भदौ ३१ गतेदेखि प्रदर्शन हुनेछ।
