रामकुमार नेपाली र बेनिशा पौडेलको स्वर रहेको ‘जात’ बोलको गीत सार्वजनिक भएको छ।
सोमबार डिएआर डिजिटल युट्युब च्यानलमार्फत सार्वजनिक गरिएको हो। गीतमा प्रभावन जेको शब्द, संगीत एवम् एरेन्ज छ।
जातीय विभेदले छुटेको प्रेमकथालाई देखाइएको भिडिओमा अन्तरजातीय विवाह गरेका ‘रियल जोडी’ लक्ष्मी बर्देवा र जीवन भट्टराईको अभिनय छ।
गीतको भिडिओलाई अभिनेत्री लक्ष्मी बर्देवाले निर्देशन गरेकी हुन्। गीत र भिडिओलाई दर्शकश्रोताले रुचाउने लक्ष्मीको विश्वास छ।
ज्ञानेन्द्र शर्मा हुँमागाईको छायांकन गरेको भिडिओलाई कृष्ण गौतमले सम्पादन गरेका हुन्।
