दिनेश राउतको निर्देशन रहेको फिल्म ‘प्रकाश’को टिजर सार्वजनिक भएको छ।
मंगलबार सार्वजनिक गरिएको टिजरमा अभिनेता प्रदीप खड्का र अभिनेत्री दिया मास्केलाई देख्न सकिन्छ। फिल्ममा प्रकाशको भूमिकामा प्रदीप र उनकी आमाको भूमिकामा दिया फिचर्ड छिन्।
फिल्ममा जुम्लाको एक युवाले शिक्षक बन्न गर्ने संघर्षको कथा प्रस्तुत गरेको छ। विकास सुवेदीको लेखन रहेको फिल्मको टिजरमा जनयुद्धमा सहभागी बेपत्ता योद्धाको परिवारको कथालाई देखाइएको छ।
जुम्लामा छायांकन भएको फिल्ममा प्रदीप र दियासँगै रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाही लगायतका कलाकारको अभिनय छ। फिल्मको डिजिटल राइट्स डिएआर मुभिजले खरिद गरेको छ ।
बिनिस इन्टरटेनमेन्टको ब्यानरमा निर्माण भएको फिल्ममा राजेश श्रेष्ठको छायांकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत उत्तम न्यौपानेको साउन्ड डिजाइन र शैलेश श्रेष्ठको पार्श्व संगीत रहेको छ।
महेन्द्र अधिकारीको लगानी रहेको फिल्मलाई आरआर फिल्मस्का रोहित कट्टेल र रत्न श्रेष्ठले वितरण गर्दैछन्।
यो फिल्म भदौ १० गतेदेखि प्रदर्शन हुँदैछ।
