कार्म अभिनित फिल्म 'अभिन्न'को गीत 'मान्छे' बोलको गीत सार्वजनिक भएको छ।
बिहीबार हाइलाइट्स् नेपालबाट गीत सार्वजनिक गरिएको हो।
राजिव सुनारको स्वर रहेको गीतमा कार्म फिचर्ड छन्। प्रशान्त रसाइलीको शब्द रहेको गीतमा रञ्जित गजमेरले संगीत भरेका छन्।
फिल्म लैनसिंह बाङ्देलको चर्चित उपन्यास 'लङ्गडाको साथी'मा आधारित छ। यस उपन्यासमा दार्जिलिङको बजारमा डुलिरहने एक अपांग व्यक्तिले भोग्नुपरेको पीडा र उसलाई सघाउने कुकुरको कथालाई प्रस्तुत गरेको छ।
यो फिल्म दार्जिलिङमा छायांकन गरिएको हो। प्रशान्त रसाइलीले निर्देशन गरेको फिल्ममा डा. विभाकर शाक्यको लगानी रहेको छ।
