‘प्रेमगीत ३’ का अभिनेता मनिष राउत फिल्म ‘शमशेर’बाट निर्देशनमा डेब्यू गर्दैछन्।
फिल्ममा उनको मुख्य भूमिका रहेको छ। ओस्कार कलेजबाट फिल्म निर्माणमा ब्याचलर गरेका मनिष अहिले एभरेष्ट फिल्म एकेडेमीमा प्रशिक्षकको रुपमा काम गरिरकेका छन्।
‘फिल्मको स्क्रिप्ट मन परेर निर्देशनमा डेब्यू गर्न लागेको हुँ। आगामी दिनमा अभिनय तथा निर्देशनमा निरन्तरता दिनेछु,’ उनले भने। हालसम्म फिल्मको लागि अभिनेत्री छनोट गरिएको छैन।
अभिनेत्री छनोट भएसँगै वर्कसप गरेर छायांकन सुरु गरिने अभिनेता राउतले बताए। एक्सन जनरामा बन्ने फिल्ममा सुनिल थापा, गौरव पहारी, हिमेश पन्त, सुमन गौतम, दिपक कोइराला, सुमन थापा, सविन शाक्य, रुपेश कार्की, रुपेश लामा, आशिस पराजुलीलगायतका कलाकारको अभिनय रहनेछ।
एभरेष्ट फिल्म एकेडेमी र डी आर डेनिमको लगानी रहने फिल्मको छायांकन काठमाडौं, दुबई, सोलुखुम्बु र ढोरपाटनमा गरिनेछ।
