जितेन्द्र राजोपाध्याय निर्देशित फिल्म 'घनचक्कर'को नेपाल भाषाको प्रमोशनल गीत सार्वजनिक गरिएको छ।
सार्वजनिक गीतमा प्रेम र पैसाबीचको चक्करलाई देखाइएको छ। भुपेन्द्र बज्राचार्यको शब्द तथा स्वर रहेको गीतमा बिजेन श्रेष्ठले संगीत भरेका छन्।
कमेडी जनराको फिल्ममा सौगात मल्ल, सलोन बस्नेत, सरोज खनाल, कस्मिरा लामा, शिशिर भण्डारी, आशान्त शर्मा, इश्वरी खड्का, कृष्णभक्त महर्जन, घनश्याम जोशी, प्रभन भुषाल, जनक घर्तीमगर, दामोदर पौडललगायत कलाकारको अभिनय छ।
भट्ट एण्ड सन्स प्रोडक्सनको ब्यानरमा निर्माण भएको फिल्ममा करुना अर्याल र संगम भट्टको लगानी छ।
सुनिल मानन्धरको श्रीराम बालाजी फिल्मस्ले वितरण गर्ने फिल्ममा अर्जुन सिंहको कथा, काजि लिम्बुको पटकथा तथा संवाद, अष्ट महर्जनको द्वन्द्व निर्देशन, प्रदीप श्रेष्ठ र साइमन राजवंशीको कोरियोग्राफी, विपिन आचार्य र देव कोइमीको संगीत रहेको छ।
सुसन प्रजापतिले छायांकन गरेको फिल्मलाई मित्र डि गुरुङले सम्पादन गरेका हुन्। यो फिल्म असार १० गतेदेखि प्रदर्शन हुँदैछ।
