देवकुमार श्रेष्ठको निर्देशनमा फिल्म 'डलर एयुडी' निर्माण हुने भएको छ।
सन्तोष अधिकारी फिल्मस् र अमारियाको प्रोडक्सनको संयुक्त निर्माणमा बन्न लागेको फिल्ममा अर्पण थापा, मेनुका प्रधान, सन्तोष अधिकारी लगायतको अभिनय रहनेछ।
अष्ट्रेलियामा बसेर पैसा कमाउनका लागि नेपालीले गर्ने संघर्षको कथालाई फिल्ममा देखाइनेछ।
एएसएपी इन्टरटेन्मेन्टले निर्माण गर्ने फिल्ममा सन्तोष अधिकारीको लगानी रहनेछ। फिल्मको सह-निर्मातामा धर्मराज अधिकारी, गंगाराम वाग्ले, अरुण श्रेष्ठ, अन्जना अधिकारी, तृष्णा गुरुङ लगायत छन्।
अष्ट्रेलियामा छायांकन हुने फिल्मको कथा सन्तोष अधिकारीले लेखेका हुन् भने नाटक निर्देशक चे शंकरले फिल्मको पटकथा लेखेका छन्।
'डलर एयुडी'को लागि केही दिनमा कार्यशाला सुरू गरेर असार अन्तिमबाट छायांकन सुरू गर्ने निर्देशक श्रेष्ठले जानकारी दिए।
