विष्णु क्षेत्री र सरू गौतमको स्वर रहेको ‘नबोल हेपेर’ बोलको गीत सार्वजनिक भएको छ।
पण्डितकी छोरी र मूर्तिकारबीचको प्रेमलाई देखाइएको गीतमा अभिनेता पुष्प खड्का र अञ्जना बराइलीको अभिनय छ। गीतको भिडिओ ‘उमारन क्रियशन’ युट्युब च्यानलमार्फत सार्वजनिक गरिएको हो।
मिलन विष्टको शब्द, नविन रावलको संगीत रहेको गीतलाई मोहित मुनालले एरेन्ज गरेका हुन्। विकाशा प्रोडक्सनले निर्माण गरेको गीतको भिडिओलाई राजीव समरले कोरियोग्राफी गरेका छन्।
सागर प्रधानले छायांकन गरेको भिडिओलाई सुप्रिम पराजुलीले सम्पादन गरेका हुन्।
