शिव परियारको स्वर रहेको नयाँ गजल गीत ‘समुन्द्र सबै सराब भए’ सार्वजनिक भएको छ।
हरि पौडेलको शब्द रहेको गीतमा आलोकश्रीले संगीत भरेका छन्। महाराज थापाको संगीत संयोजना रहेको गीत गुन्जन स्टुडियोमा रेकर्ड भएको हो।
एक सराबी प्रेमीले आफ्नो प्रेमीकालाई फकाउने कथा देखाइएको गीतको भिडिओमा आर्यन सिग्देल र श्री थपलियालाई देख्न सकिन्छ। गीतको भिडिओमा थुप्रै कोरस प्रयोग गरेर आकर्षक नृत्य प्रस्तुत गरिएको छ।
सुदिप बरालले छायांकन गरेको भिडिओलाई भरत रेग्मीले सम्पादन गरेका छन्। भिडिओलाई कोरियोग्राफी तथा निर्देशन कविराज गहतराजले गरेका हुन्।
