अभिनेता सौगात मल्ल र सृष्टि श्रेष्ठ अभिनित फिल्म 'माइकल अधिकारी'को प्रदर्शन मिति तय भएको छ। निर्माण टिमले फिल्मकाे दुई पोस्टर सार्वजनिक गर्दै प्रदर्शन मिति तय गरिएका हुन्।
यो फिल्म भदौ ३ गतेदेखि प्रदर्शन हुनेछ। सार्वजनिक एक पोस्टरमा सौगातले बोकेको खर्पनमा एकातिर सृष्टि र बच्चा देखिएका छन् भने अर्को तर्फ पैसाको थुप्रो देखाइएको छ। अर्को पोस्टरमा सौगात र सृष्टि पैसाको बिछ्याउनामा प्रेमिल भावमा देखिन्छन्।
यो फिल्म 'सरोगेसी' अर्थात् कोख भाडामा लिएर बच्चा जन्माउने कथामा आधारित छ।
गोपीकृष्ण मुभिजको ब्यानरमा निरक पौडेलले निर्माण गरेको फिल्मलाई रन्जित रौनियारले निर्देशन गरेका हुन्। फिल्ममा सौगात र सृष्टिसँगै अशान्त शर्मा, ऐनी कुँवर, हेमन्त बुढाथोकी, विद्या कार्की, सुजना ढकाल, दिलिप बोहरालगायत कलाकारको अभिनय छ।
उद्धव पौडेलको प्रस्तुतीमा निर्माण भएको फिल्मको सम्पूर्ण छायांकन इलाम र झापामा गरिएको छ।
1656053025.jpg)
