लामो समयदेखि अस्ट्रेलियामा रहेर नेपाली सांगीतिक क्षेत्रमा फरक पहिचान बनाउन सफल गायक रामकृष्ण निरौलाको नयाँ गीत ‘ओए कमला’ को म्युजिक भिडिओ सार्वजनिक भएको छ।
गीतकार विक्रम केसीको शब्दरचना र सुनिल रोक्काको संगीत रहेको ‘डान्सिङ’ शैलीको गीतमा गायक निरौलालाई गायनमा काब्य आचार्यलले साथ दिएकी छिन्।
लोकप्रिय नायक पुष्प खड्का र मोडेल बिना राउतको अभिनय रहेको ‘ओए कमला’ को भिडिओलाई युवा निर्देशक प्रहिल कार्कीले निर्देशन गरेका हुन्।
रमणीयस्थल शुभतारा स्कुल लामाटारमा छायाँकन गरिएको भिडिओमा सुरेन्द्र बसेलको कोरियोग्राफी, उत्तम हुमागाईँको सिनेमाटोग्राफी र माधव बेलबासेको सम्पादन रहेको छ। भिडिओलाई 'ओएसआर ' डिजिटल मार्फत सार्वजनिक गरिएको हो।
गायक निरौलाको यसअघि सार्वजनिक ४० वर्ष अघिको कथामा बनाइएको 'काजिको घोडा' गीतलाई स्रोता दर्शकले अत्त्याधिक मन पराएका थिए। यो गीतमा पनि त्यतिकै मेहनत गरिएकोले स्रोता दर्शकले मन पराउनेम गायक निरौला ढुक्क छन्।
