गायिका इन्दिरा जोशीले 'पछ्यौरी' बोलको गीत सार्वजनिक गरेकी छन्।
बिहीबार काठमाडौंमा एक कार्यक्रम आयोजना गर्दै गीत सार्वजनिक गरिएको हो। गीतमा इन्दिराकै शब्द तथा संगीत छ। प्रविण सिंहले कोरियोग्राफी तथा निर्देशन गरेको गीतको भिडिओमा इन्दिरा र निराजन प्रधान फिचर्ड छन्।
गायिका इन्दिराले पहिलेको जस्तै दर्शकको माया पाउने विश्वास व्यक्त गरिन्। 'भिडिओ खिच्न केही गाह्रो भएपनि दर्शकको चाहनाअनुसार काम गरेकी छु' उनले भनिन्।
यस्तै, निराजन प्रधानले इन्दिरासँग पहिलो पटक काम गर्दा आफूलाई खुशी लागेको बताए।
यो गीतलाई इन्दिराले लोक र पप शैलीमा तयार पारेकी छिन्। हरि हुमागाईंले छायांकन गरेको गीतको भिडिओलाई प्रविण श्रेष्ठले सम्पादन गरेका छन्।
गायिका इन्दिरा जोशीले केही समयअघि डिजाइनर शरद केडियासँग बिहे गरेकी थिइन्।
