निमेष प्रधानले निर्देशन गरेको फिल्म 'सम्झना बिर्सना' को दोस्रो ट्रेलर सार्वजनिक भएको छ।
सार्वजनिक ट्रेलरमा अभिनेता आकाश श्रेष्ठ, अभिनेत्री पूजा शर्मा र छुल्ठिम गुरुङबीचको त्रिकोणात्मक प्रेमलाई देखाइएको छ।
आदित्य प्रधान र रेविका प्रधानले निर्माण गरेको फिल्ममा आकाश, पूजा र छुल्ठिमसँगै सुनिल थापा, शिशिर राणालगायत कलाकारहरूको पनि अभिनय रहेको छ। फिल्मको कथा तथा पटकथा निर्देशक निमेष प्रधान स्वयंले तयार पारेका हुन्।
शिव ढकालले छायांकन गरेको फिल्मलाई तारा थापा ‘किम्भे’ले सम्पादन गरेका छन् भने कमल राईको कोरियोग्राफी छ।
दार्जिलिङ, सिलगुढी, सिक्किम लगायतका रमणीय स्थानमा खिचिएको फिल्मको वितरण आरआर फिल्म्सले गर्दैछ।
यो फिल्म असार ३१ गतेबाट प्रदर्शन हुँदैछ।
