मदन घिमिरेले निर्देशन गरेको फिल्म 'आँधी तुफान २' को ट्रेलर सार्वजनिक भएको छ।
सार्वजनिक ट्रेलरमा चेलीबेटी बेचबिखनको कथालाई देखाइएको छ।
सस्पेन्स थ्रिलर फिल्ममा रवी गिरी, पुस्कर राउत, संचित भण्डारी, आरती आचार्य, सोनी विसी, याङ्शु श्रेष्ठ, विन्दीया ठकुरी, रुपा केसी, ऋचा थापा, चक्र राई, संजय खतिवडा, कनिज कोइराला, सपना श्रेष्ठ, राजु घिमिरे, शत्रुधन अन्सारी, जोया बुढाथोकी, मुकेश कपाली, योचिना खड्गी, अची श्रेष्ठ, सुदीप आचार्य र बालकलाकार अरुण कालिराजको अभिनय छ।
ओम साई भक्त मुभि प्रालीको ब्यानरमा निर्माण भएको फिल्ममा मौनता श्रेष्ठको कथा, पटकथा तथा संवाद रहेको छ।
फिल्ममा रामशरण उप्रेतीको छायांकन, कमल राई र अभि वाग्लेको कोरियोग्राफी, सुरेश अधिकारी र विक्रम थापाको संगीत, हरि उप्रती र दीपेन्द्र खड्काको गीत रचना, प्रेम चुल्ठेको द्वन्द्व निर्देशन, सुवानी मोक्तान, विनुसा राई र अर्चन लिम्बुको स्वर र मन्दिल श्रेष्ठको सम्पादन रहेको छ।
साउन २० गतेबाट प्रदर्शन हुने फिल्ममा मुख्य सहायक निर्देशक जीवन गौतम रहेका छन्। यो फिल्म २०६३ सालमा निर्माण भएको फिल्म ‘आँधी तुफान’को दोस्रो भाग हो। यो फिल्म साउन २० गतेबाट प्रदर्शन हुँदैछ।
