गायक हेमन्त शर्माको नयाँ गीत सार्वजनिक भएको छ। उनले आफ्नै शब्द तथा संगीतमा 'रुन्न भन्दा नि आँसु झर्दो रैछ' बोलको गीत सार्वजनिक गरेका हुन्।
प्रेमभाव समेटिएको उक्त गीतमा कृष्ण बिकको संगीत संयोजन छ। गायक शर्मालाई गायनमा रचना रिमालले साथ दिएकी छिन्।
गीतको म्युजिक भिडिओ पनि सार्वजनिक भएको छ। भिडिओमा अभिनेत्री केकी अधिकारीको साथमा कमल सिंह देखिएका छन्।
सागर गैरेले निर्देशन गरेको भिडिओ छायांकन उत्तम हुमागाईंले गरेका हुन्। भिडिओ सम्पादन नविन निरौंलाले गरेका छन्।
