लामो समयदेखि अष्ट्रेलिया मेल्वर्नमा बसेर संगीत तथा साहित्यमा कलम चलाइरहेकी पत्रकार, उपन्यासकार तथा गीतकार निरू त्रिपाठीले मिलन नेवार र प्रताप दासको आवाजमा ‘साथी मेरो जीवन साथी..’ बोलको म्युजिक भिडियो बजारमा ल्याएकी छिन्।
गीतमा प्रमोद पन्तको सङ्गीत र नारायण दङ्गालको एरेन्ज रहेको छ। गीतकार त्रिपाठी स्वयंले अभिनय गरेको यो म्युजिक भिडियोको निर्देशन केशव राज भट्टले गरेका हुन्। उनलाई अभिनयमा मोडल विकास लामिछानेले साथ दिएका छन्।
म्युजिक भिडियो सम्पादन डिन्सन शाह र छायांकन बुद्ध थापाले गरेका हुन्। श्रीमान श्रीमती बीचमा हुने प्रेम र समर्पणको भाव रोमाञ्चक ढंगले देखाइएको गीतको भिडियो निरू त्रिपाठी युट्युब च्यानलबाट सार्वजनिक भएको छ ।
केहि समय अघि गीतकार त्रिपाठीले आफ्नो पहिलो उपन्यार्स पेरिस्कानो’ उपन्यास र त्यसको कथामा आधारित एउटा गीत पनि सार्वजनिक भएको थियो।
