सौगात मल्ल, अर्पण थापा र अनुपविक्रम शाही अभिनित फिल्म ‘लाखे’को टिजर सार्वजनिक भएको छ।
सार्वजनिक टिजरमा सस्पेन्स थ्रिलरसँगै एक्सन प्रस्तुत गरिएको छ। नेवारी परम्परामा आधारित रहेर तयार पारिएको फिल्ममा सौगात, अर्पण, अनुपविक्रमसँगै वर्षा राउत, सुशिल सिटौला, आर्यन अधिकारी, प्रशान्त ताम्राकार, रोहित रुम्बा, सञ्जोग राना, रक्षा बुढाथोकी, कालु राना लगायत कलाकारको अभिनय छ।
सम्राट बस्नेतले निर्देशन गरेको फिल्मको कथा आकाश बरालले तयार पारेका हुन्।
सुसन प्रजापतिले छायांकन गरेको फिल्मलाई अर्जुन जिसीले सम्पादन गरेका छन्। सिजन अर्याल र जीएम ठकुरी निर्माता रहेको फिल्मका कार्यकारी निर्माता हरि मल्ल ठकुरी हुन्।
यो फिल्म भदौ ३१ गतेदेखि प्रदर्शन हुँदैछ।
