प्रकाश रेग्मी र रेश्मा पुनको स्वरमा ‘शिरको फूल शिरैमा’ बोलको गीत सार्वजनिक गरिएको छ। गीतको भिडिओमा अभिनेता आकाश श्रेष्ठ र मोडल तनुजा वलीको अभिनय छ।
सार्वजनिक गीतको भिडिओमा आकाश र तनुजालाई राजा-रानीको भेषमा देख्न सकिन्छ। लोक शैलीको गीतमा युवायुवतीको प्रेमलाई फरक तरिकाले प्रस्तुत गरिएको छ।
राम अविरल विष्टको शब्द रहेको गीतमा एसडी योगीको संगीत छ। यो म्युजिक भिडिओ शिव विकको कोरियोग्राफी तथा निर्देशनमा तयार भएको हो।
अजय रेग्मीले छायांकन गरेको म्युजिक भिडिओलाई मिलन विश्वकर्माले सम्पादन गरेका हुन्।
