तीज नजिकिँदै गर्दा गायक भागीरथ चलाउनेले नयाँ गीत ल्याएका छन्।
उनको 'झमझम झुम्काना' बोलको गीत सार्वजनिक गरेको पाँच दिनमै युट्युब ट्रेन्डिङको पहिलो नम्बरमा पर्न सफल भएको छ। यो गीतले छोटो समयमै दर्शकको मन जितेको छ।
यो समाचार तयार पार्दासम्म ११ लाख २३ हजारभन्दा बढी भ्युज पाएको छ भने ३७ हजार लाइक पाएको छ। गीतमा भागीरथ चलाउनेलाई सुनिता बुढाक्षेत्रीले साथ दिएकी छन्।
प्रकाश भट्टले कोरियोग्राफी तथा निर्देशन गरेको म्युजिक भिडिओमा गीता ढुंगाना र भागीरथ चलाउनेको नृत्य छ।
बोमबहादुर गाहामगरको शब्द रहेको गीतमा गायक चलाउने स्वयमले संगीत भरेका छन् भने संगीत संयोजन विनोद बाजुरालीको रहेको छ।
राजेश घिमिरेले छायांकन गरेको भिडिओलाई विष्णु शर्माले सम्पादन गरेका हुन्।
