राजु गिरी निर्देशित फिल्म ‘दिलमाया २’ को प्रदर्शन मिति घोषणा गरिएको छ।
बुधबार दुई पोस्टर सार्वजनिक गर्दै फिल्मको प्रदर्शन मिति घोषणा गरिएको हो। यो फिल्म आगामी पुस २९ गतेबाट प्रदर्शन हुनेछ।
केही समयअघि फिल्मको छायांकन सकिएको छ। 'दिलमाया २' को अहिले पोस्ट प्रोडक्सनको काम भइरहेको निर्देशक गिरीले बताए।
राजु गिरी प्रोडक्सनको ब्यानरमा निर्माण भएको फिल्ममा किरण नेपाली, सन्जिला पौडेल, सविन बाँस्तोला, राजु गिरी, अस्मिता बस्नेत, नारायण खाती, हिरादेवी श्रेष्ठ, माया श्रेष्ठ, काजल गिरी, कंगना गिरी, कमल वलीलगायत कलाकारको अभिनय छ।
विष्णु निराकर र सुस्मिता खत्रीले छायांकन गरेको फिल्मलाई खुमबहादुर सुनारले सम्पादन गरेका छन्। फिल्ममा अर्जुन पोखरेलको संगीत, भिष्मराज फुलाराको गीत रचना, रामजी लामिछानेको कोरियोग्राफी र देव मर्हजनको द्वन्द्व निर्देशन रहेको छ।
