अभिनेता तथा टेलिभिजन होस्ट रेमनदास श्रेष्ठले बिहे गरेका छन्।
बिहीबार उनले आफ्नो विदेशी प्रेमिका जेना मुड्रासँग बिहे गरेका हुन्।
उनीहरूले हिन्दु परम्पराअनुसार बिहे गरेका छन्। सार्वजनिक तस्बिरमा जेना रातो सारीमा देखिएकी छन्। काठमाडाैंकाे ज्ञानेश्वरस्थित एटिक रेस्टुरेन्टमा उनीहरूकाे विवाह समाराेह चलिरहेकाे छ।
उनीहरूको बिहेमा नजिकका आफन्त र केही कलाकार सहभागी छन्। रेमन र जेना लामाे समयदेखि प्रेम सम्बन्धमा थिए।
रेमनले 'भिजा गर्ल, जाइरा, द ब्रेकअप, जालो, आधा लभ, मेघा र कर्कश' फिल्ममा अभिनय गरेका छन्। उनी रियालिटी शो 'हिमालय रोडिज'का होस्ट हुन्।
