क्यानेडियन गायिका गिथिया बर्मनको शब्द, संगीत तथा स्वर रहेको ‘एनोदर वर्ल्ड’ बोलको गीत सार्वजनिक भएको छ। गीतमा सृष्टि केसी र सुदेव सुरेश फिचर्ड छन्।
काठमाडौंमा एक कार्यक्रम गर्दै गीतको भिडिओ सार्वजनिक गरिएको हो।
कार्यक्रममा काठमाडौं महानगरपालिकाको उपमेयर सुनिता डंगोल, युरोपियन युनियन एम्बासडर नोना, अभिनेता राजेश हमाल, अभिनेत्री मिथिला शर्मा, गायक रामकृष्ण ढकाल, गायिका अन्जु पन्त, अभिनेता प्रशान्त ताम्राकार, अभिनेत्री सुरक्षा पन्त, मिस नेपाल उषा खड्गी लगायतको उपस्थिति रहेको थियो।
दृष्टिविहीनहरूलाई मोटिभेसनल प्रोजेक्टको रुपमा पहिलो अडिओ डिस्क्रेप्टिभ म्युजिक भिडिओ सार्वजनिक गरिएको छ।
सृष्टि केसी र गिथिया बर्मनको कन्सेप्ट रहेको भिडिओको निर्देशन गिथिया बर्मनले गरेकी हुन्।
आमोश पुठियाटिलले छायांकन गरेको गीतलाई सदिक ज्याकीले कोरियोग्राफी गरेका छन्। अडिओको डिस्क्रिप्सन र लेखनको कार्य सारदाको रहेको छ।
