चार वर्षअघि प्रदर्शन भएको फिल्म 'चंगाचेट' को सिक्वेल बन्ने भएको छ।
फिल्मकी निर्माता शर्मिला पाण्डेले शुक्रबार फिल्मलाई चलचित्र विकास बोर्डमा दर्ता गराएकी छन्। उनले समाजिक सञ्जालमार्फत 'चंगाचेट २' निर्माण हुने जानकारी दिएकी हुन्।
'अगाडि निर्माण भएको चलचित्र चंगाचेटको अत्याधिक सफलतापछि डिएस डिजिटलद्वारा हामीले छिट्टै चंगाचेट २ निर्माण गर्दैछौं। यो फिल्म पूर्ण रुपमा दर्शकको चाहना र रुचिअनुसार निर्माण गर्नेछौं,' उनले लेखेकी छन्।
'चंगाचेट' लाई दिपेन्द्र के खनालले निर्देशन गरेका थिए। यसको सिक्वेललाई पनि दिपेन्द्र के खनालले नै निर्देशन गर्ने बताइएको छ। फिल्ममा अर्पण थापाको अभिनय रहने छ भने अन्य कलाकार छनोट हुन बाँकी छ।
'चंगाचेट'ले बक्स अफिसमा राम्राे व्यापार गरेकाे थियाे।
