निर्देशक कमल एक्चै मगरको निर्देशनमा बनेको फिल्म ‘डेसान’को प्रदर्शन मिति घोषणा गरिएको छ।
सोमबार फिल्मको फर्स्ट लुक पोस्टर सार्वजनिक गर्दै प्रदर्शन मिति घोषणा गरिएको हो। यो फिल्म मंसिर २३ गतेदेखि प्रदर्शन हुनेछ।
सार्वजनिक गरिएको एक पोस्टर डेब्यू अभिनेत्री पुनम थापा र डेब्यू अभिनेता निशान चौहानलाई रोमान्टिक अवतारमा देख्न सकिन्छ भने अर्काे पोस्टरमा पुनम र निशानसँगै नम्रता सापकोटा र भोला सापकोटालाई गम्भिर मुद्रामा प्रस्तुत गरिएको छ।
पर्फमिङ आर्ट क्रियसनको ब्यानरमा निर्मित फिल्ममा नम्रता, निशान, भोलाराज, पुनमसँगै कविता आले, आरुषजंग सारु, मलिका बस्नेत, प्रमिशा सारुमगरलगायत कलाकारको अभिनय छ। फिल्मको कथा राजु थापाले लेखेका हुन्।
चक्रबहादुर महर्जनले छायांकन गरेको फिल्मलाई मिलन श्रेष्ठले सम्पादन गरेका छन्। यो फिल्मलाई एफडि, जिजिए ग्रुप र रिच इन्टरटेन्मेन्टले वितरण गर्दैछ।
