ज्ञानेन्द्र देउजाले निर्देशन गरेको फिल्म 'झिँगेदाउ'को दोस्रो गीत सार्वजनिक भएको छ।
बुधबार फिल्मको 'ईश्वरसँग पनि' बोलको लिरिकल गीत सार्वजनिक गरिएको हो। कमल खत्री र अस्मिता अधिकारीको स्वर रहेको गीतमा फिल्मका केही चल अचल दृश्य समावेश गरिएको छ। प्रमोद ढुंगानाको शब्द रहेको गीतमा अर्जुन पोखरेलले संगीत भरेका छन्।
रामजी लामिछानेले कोरियोग्राफी गरेको गीतको भिडिओमा केकी अधिकारी, आँचल शर्मा, मुकुन भुषाल, कुशल विष्टलाई देख्न सकिन्छ। फिल्ममा अभिनेत्री केकी र आँचल जेठानी देउरानीको भूमिकामा देखिएका छन्।
कपनगडी सिनेमा र फिल्म क्रियु नेपालको ब्यानरमा निर्माण भएको फिल्ममा केकी, आँचल, मुकुन र कुशलसँगै हिउँवाला गौतम, संगम भण्डारी, विजय देउजा, अभयराज बराल, आशा भुषाल आर्यन खड्कालगायत कलाकारको अभिनय छ।
याे फिल्ममा सुलभप्रतिक देउजा र समीक्षा देउजाकाे लगानी रहेकाे छ। फिल्मको कथा भिमनिधी तिवारी लेखेका हुन् भने प्रदीप भारद्वाजले पटकथा तथा संवाद तयार पारेका छन्।
विष्णु कल्पितले छायांकन गरेको फिल्मलाई मित्र डि गुरुङले सम्पादन गरेका छन्। यो फिल्म भदौ १७ गतेदेखि प्रदर्शन हुनेछ।
