शोभित बस्नेतले निर्देशन गरेको फिल्म 'बद्री बहादुर' को अष्ट्रेलियामा प्रिमियर गरिएको छ।
शनिबार अष्ट्रेलियामा फिल्मको प्रिमियर गरिएको हो। नेपालमा फिल्म प्रदर्शन हुनुअघि विदेशबाट फिल्म प्रदर्शनको सुरूआत गरेको निर्देशक बस्नेतले बताए।
फिल्मले अष्ट्रेलिया शोबाट सुखद प्रतिक्रिया पाएको छ। 'ब्रदी बहादुरले पाएको प्रतिक्रियाबाट एकदमै खुशी छौं। यसको अष्ट्रेलियाको सिड्नीमा प्रदर्शन भयो। त्यस्तै अन्य ३ सहरमा फिल्म प्रदर्शनको तयारीमा छौं,' बस्नेतले भने।
फिल्म प्रदर्शनको लागि शोभित केही दिनअघि अष्ट्रेलिया पुगेका थिए। सिड्नीमा फिल्मलाई मेगा इभेन्ट र रूक्सल प्रजापतिले प्रदर्शन गरेकाे हाे। यो फिल्म नेपालमा चाँडै प्रदर्शन गर्ने निर्माण टिमको तयारी छ।
कमेडी जनराको फिल्ममा जय किसन बस्नेत, छुल्ठिम गुरुङ, राजिवजंग बस्नेत, धिरेन शाक्य र वर्षा चौलागाईं लगायतको अभिनय छ। फिल्ममा अभिनेत्री पुजा शर्मा र अभिनेता सलोन बस्नेतको विशेष भूमिका छ।
एबि पिक्चर्स फार्म र सलोन सलिना ब्यानरबाट निर्माण भएको फिल्ममा सञ्चारकर्मी रवि अधिकारी कार्यकारी निर्माता छन्।
मिथुन भोटेको लगानी रहेको फिल्ममा टंक बुढाथोकी र उजन नेम्वाङको संगीत, रामकाजी घिमिरे लेखन, शिव विकको नृत्य निर्देशन, शंकर महर्जनको द्वन्द निर्देशन रहको छ।
विनोद सापकोटाले छायांकन गरेको फिल्मलाई समिर मियाले सम्पादन गरेका हुन्।
1659247112.jpg)
