सुदर्शन थापाले निर्देशन गरेको फिल्म 'सम्हालिन्छ कहिले मन'को ट्रेलर सार्वजनिक भएको छ।
सार्वजनिक ट्रेलरमा पूजा शर्मा, सोनम तोप्देन र आकाश श्रेष्ठ बीचको त्रिकोणात्मक प्रेम सम्बन्धलाई देखाइएको छ।
फिल्ममा पूजा, सोनम र आकाशसँगै सरोज खनाल, धिरन शाक्य, गौरी मल्ललगायत कलाकारको अभिनय छ। कभर गायक सोनम तोप्देनले यही फिल्मबाट अभिनयमा डेब्यू गर्दैछन्। उनी बलिउडका चर्चित गीतमा कभर संस्करणमा रूचाइएका गायक हुन्।
याे फिल्म गायक सुगम पाेखरेलकाे 'सम्हालिन्छ कहिले मन'काे गीतकाे नाम सापटी लिँदै तयार पारिएकाे हाे। फिल्ममा उनकाे स्वरमा शीर्ष गीत सुन्न सकिन्छ।
एबी इन्टरनेसनलको ब्यानरमा निर्माण भएको फिल्मका निर्माता अमित बस्नेत, परी राना र अजितकुमार थापा छन्। फिल्मको कथा महेश दवाडीले तयार पारेका हुन्।
बेलायत र नेपालमा छायांकन गरिएको म्युजिकल लभस्टोरी फिल्मलाई दर्शकले रूचाउने निर्माण टिमको विश्वास छ। सौरभ लामाले छायांकन गरेको फिल्मलाई अर्जुन जिसीले सम्पादन गरेका छन्।
यो फिल्म भदौ १७ गतेदेखि प्रदर्शन हुँदैछ।
