प्रिन्स सिलवाल र सन्ध्या बुढा 'काउली बुढी'को स्वरमा 'बुट्टे सारी' बोलको तीज गीत सार्वजनिक भएको छ।
तीज नजिकिएसँगै गायक प्रिन्सले आफ्नै युट्युब च्यानलमार्फत गीत सार्वजनिक गरेका हुन्।
गीतले एक महिना अगाडिदेखि नै तीज कार्यक्रम राख्ने प्रवृतिको विरोध गरेको छ। सन्तोष राजबहकले कोरियोग्राफी गरेको गीतमा गायक प्रिन्स र गायिका सन्ध्यासँगै नम्रता शर्माको अभिनय देख्न सकिन्छ।
सिताराम सिलवालको शब्द रहेको गीतमा अर्जुन पोखरेलले संगीत भरेका छन्। आदेश गुर्माछनले एरेन्ज गरेको गीतलाई नरेश विसीले मिक्सिङ गरेका हुन्।
माधव शर्माले निर्देशन गरेको म्युजिक भिडिओलाई अनिल कट्वालले छायांकन तथा सम्पादन गरेका हुन्।
