निकेश खड्काले निर्देशन गरेको फिल्म 'चपली हाइट ३' अस्ट्रेलियामा प्रदर्शन हुने भएको छ।
नेपालमा तीन पटक प्रदर्शन भइसकेको फिल्म सेप्टेम्बर १० अर्थात् भदौ २५ गतेबाट अस्ट्रेलियाको सिड्नीमा प्रदर्शन हुनेछ।
यो फिल्मलाई बाबा एजुकेसन कन्सल्टेन्सी र आरकेएस अस्ट्रेलियाले प्रदर्शन गर्न लागेको हो। फिल्म सिड्नीसहित ब्रिसबेन, एडिलेड, तास्मानिया सहितका राज्यमा देखाइनेछ।
सस्पेन्स थ्रिलर फिल्ममा स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतिकमान श्रेष्ठ, अर्पण थापालगायत कलाकारको अभिनय छ। फिल्ममा अर्जुन कुमारको लगानी रहेको छ।
यो फिल्म तेस्रो पटक गत शुक्रबार प्रदर्शन भएको थियो तर फिल्मले दर्शकको राम्रो साथ पाउन सकेको छैन।
