दिपेन्द्र के खनालको निर्देशनमा बन्ने फिल्म 'चंगाचेट २'मा अभिनेता विपिन कार्की अनुबन्धित भएका छन्।
फिल्मका निर्देशक खनालले सामाजिक सञ्जालमार्फत विपिन कार्कीलाई अनुबन्धित गराएको जानकारी दिएका हुन्। 'चंगाचेट २ मा अभिनेता विपिन कार्कीलाई स्वागत छ,' उनले लेखेका छन्।
फिल्मको निर्माण टिम र अभिनेता कार्कीबीच बिहीबार सम्झौता भएको हो। फिल्ममा उनी मुख्य भूमिकामा देखिनेछन्।
यसअघि फिल्ममा अभिनेता अर्पण थापा अनुबन्धित भइसकेका छन् भने अन्य कलाकार अनुबन्धित हुन बाँकी छन्। यो फिल्म डिएस डिजिटलको ब्यानरबाट निर्माण हुँदैछ।
२०१८ मा प्रदर्शन भएको फिल्म 'चंगाचेट' लाई दिपेन्द्र के खनालले निर्देशन गरेका थिए। फिल्मले बक्स अफिसमा राम्रो व्यापार गरेको थियो।
अभिनेता विपिन कार्की रामबाबु गुरुङकाे निर्देशनमा बन्ने फिल्म 'फूलबारी'मा देखिँदैछन्। याेसँगै उनी रणवीर कपूरकाे बलिउड फिल्म 'एनिमल' मा पनि देखिनेछन्।
