नेपाली हिन्दु नारीहरूले आफ्नो परम्परागत पर्व तीज मनाउने तयारी गरिरहेकै बेला संगीतकार रञ्जित गजमेरको संगीत रहेको 'तीजको मेला' बोलको गीत सार्वजनिक भएकाे छ।
रेबेल क्रिएशन तथा रेबेल इन्टरटेनमेन्टको प्रस्तुति रहेको गीतमा मुम्बईमा रहेकी जमुना शर्माले स्वर दिएकी छन्। यो उनको पहिलो तीज गीत हो।
यसमा भुपेन्द्र खड्काको शब्द छ।
तीजको मेला म्युजिक भिडिओमा जमुना शर्मासँगै कृलता सापकोटालगायतका कलाकारको नृत्य हेर्न सकिन्छ। काठमाडाैंका सुन्दर सम्पदा क्षेत्रमा छायांकन गरिएको म्युजिक भिडिओको निर्देशन गगनलाल प्रधानले गरेका हुन्।
'तीजको मेला'को संगीत संयोजन अमुल कार्की ढालीले गरेका छन्। विजय श्रेष्ठले रेकर्ड गरेको यो गीतको पार्श्वगायनमा कविता श्रेष्ठ, पुष्पा बोहरा, करुणा गन्धर्व, स्मृती शाही, विमला परियार रहेका छन्।
