अमेरिकाको गायन रियालिटी शो 'अमेरिकन आइडल' का फस्ट रनर अप दिवेश पोखरेल (अर्थर गन) कुश्मा पुगेर द क्लिफमा बन्जी गरेका छन्।
सांगीतिक कार्यक्रमका शिलशिलामा नेपाल आइपुगेका दिवेशले पोखराको कार्यक्रम सकेर आइतबार बन्जी गर्न गएका हुन्। 'नेपालमै रहेको विश्वकै दोस्रो अग्लो बन्जीमा जम्प गर्न पाउँदा एकदमै खुशी छु,' दिवेश थप्छन् 'सुरूमा डर लाग्ने भए पनि जम्प पछाडिको खुसी अद्भुत हुने रहेछ।'
विश्वकै अग्लो स्वीङ समेत सन्चालन गर्दै आइरहेको द क्लिफको स्काइ साइक्लिङ, स्काइ क्याफे, गुलेली पिङ, हाइ रोप स्टेसन, स्काइ ग्लाइडिङ पनि अहिले युवाहरू माझ निकै लोकप्रिय छन्।
उक्त क्षेत्रलाई एड्भेन्चर हबका रूपमा विकास गर्दै लगिएको र भविष्यमा अन्य गतिविधि समेत थपिने सञ्चालक राजु कार्कीले बताए।
