दीपेन्द्र लामा निर्देशित फिल्म 'दुई नम्बरी'को पहिलो गीत सार्वजनिक भएको छ।
बुधबार 'झलल आयो तिम्रो याद' बोलको गीत सार्वजनिक गरिएको हो।
मेलिना राई र जयन जे वाइबाको स्वर रहेको गीतको भिडिओमा दयाहाङ राई, सौगात मल्ल, उपासनासिंह ठकुरी र उगेन छोदेनलाई देख्न सकिन्छ।
जयन जे वाइबाको शब्द तथा संगीत रहेको गीतमा रिकेश गुरुङको संयोजन रहेको छ।
दुई साथीको मित्रतालाई देखाइएको फिल्ममा सौगात, दयाहाङ, उपासन र उगेनसँगै बुद्धि तामाङ, पुष्कर गुरुङ, शारदा गिरी, कविता आले, प्रकाश घिमिरे, सुष्मा निरौला, श्रेयांश पौडेल, विश्वास गुरुङ, डिबी गुरुङ, राजु थापामगर, सागर शाह ठकुरी, सतिश सिंह खत्री, गणेश बस्याल, राजकुमार राईलगायत कलाकारको अभिनय छ। फिल्मको कथा निर्देशक लामाले नै तयार पारेका हुन्।
फिल्ममा सौगातको जोडी उपासना र दयाहाङको जोडीको रुपमा उगेनलाई देख्न सकिन्छ। भुटानी अभिनेत्री उगेन यो डेब्यू नेपाली फिल्म हो।
दीपक मनाङ्गे, अमलादेवी राई र जयस श्रेष्ठको लगानीमा बनेको फिल्मलाई किरण नेपालीले प्रस्तुत गरेका हुन्।
सरोज नेपाली कार्यकारी निर्माता रहेको फिल्मको सह-निर्मातामा मिठु तामाङ्नी रहेकी छिन्। सुशान्त प्रजापतिको छायांकन रहेको फिल्मलाई निमेष श्रेष्ठले सम्पादन गरेका हुन्।
फिल्ममा रामजी लामिछानेको कोरियोग्राफी, जयन जे वाइवाको संगीत छ। यो फिल्म असोज २१ गतेदेखि प्रदर्शन भएको छ।
