अभिनेता सन्तोष पन्तका छोरा साकार पन्तको डेब्यू निर्देशित फिल्म 'हिजो आजका कुरा'को दोस्रो गीत सार्वजनिक भएको छ।
शुक्रबार 'परदेश' बोलको गीत सार्वजनिक गरिएको हो। गीतको भिडिओमा सन्तोष पन्त, रमा थपलिया, ऋचा शर्मा, केकी अधिकारी, रिमा विश्वकर्मा र दिव्यदेव पन्त लगायतलाई देख्न सकिन्छ।
हर्कुलेस बस्नेतको स्वर तथा संगीत रहेको गीतमा एकतारे र साकार पन्तको शब्द छ। भने रिकेश गुरुङको संयोजन रहेको छ।
फिल्ममा सन्तोष पन्त, रमा थपलिया, ऋचा शर्मा, केकी अधिकारी, रिमा विश्वकर्मा, दिव्यदेव पन्त, साकार पन्त, जयनन्दन लामा, रमेश अधिकारी, जेविका कार्की, विनायक कुइकेल, अनुष्का अधिकारी, निराजनप्रसाद अर्याल, लक्ष्मी भुषाल, सविन शाक्य, मन्जु श्रेष्ठ, कमला रेग्मीलगायत कलाकारको अभिनय छ।
रवि सयामीले छायांकन गरेको फिल्मलाई विनय कंसकारले सम्पादन गरेका हुन्। यो फिल्म असोज २८ गतेदेखि प्रदर्शन हुँदैछ।
