शुक्रबारदेखि प्रदर्शनमा आएको फिल्म 'सम्हालिन्छ कहिले मन'को 'मेरो मन मुटु' बोलको गीत सार्वजनिक भएको छ।
आइबार सोनम तोप्देन र दीपा लामाको स्वर रहेको गीत सार्वजनिक गरिएको हो। डा. कृष्णहरी बरालको शब्द रहेको गीतमा अर्जुन पोखरेलले संगीत भरेका छन्। गीतको भिडिओमा पूजा शर्मा, आकाश श्रेष्ठ र सोनम तोप्देनलाई देख्न सकिन्छ।
सुगम पोखरेलको 'सम्हालिन्छ कहिले मन' गीतको नाम सापटी लिँदै यो फिल्म बनाइएको हो। सुदर्शन थापाले निर्देशन गरेको फिल्ममा पूजा, आकाश र सोनमसँगै सरोज खनाल, धिरेन शाक्य, गौरी मल्ललगायत कलाकारको अभिनय छ। गायक सोनम तोप्देनले यही फिल्मबाट अभिनयमा डेब्यू गर्दैछन्। उनी बलिउडका चर्चित गीतको कभर संस्करणमा रूचाइएका गायक हुन्।
एबी इन्टरनेसनलको ब्यानरमा निर्माण भएको फिल्मका निर्माता अमित बस्नेत, परी राना र अजितकुमार थापा छन्। फिल्मको कथा महेश दवाडीले तयार पारेका हुन्।
सौरभ लामाले छायांकन गरेको फिल्मलाई अर्जुन जिसीले सम्पादन गरेका छन्।
