कुशल श्रेष्ठले निर्देशन गरेको ‘भन कति माया गर्छौ मलाई’ को गीत सार्वजनिक भएको छ।
उत्तमजंग लिम्बु र दीपा लामाको स्वरमा रहेको भिडिओमा प्रेम र रोमान्सका किस्साहरूलाई निर्देशक कुशल श्रेष्ठले प्रेमील ढंगले प्रस्तुत गरेका छन्।
वैंशालु उमेरमा गहिरो प्रेममा परेका एक रोमान्टिक जोडीले एक अर्कालाई ‘कति माया गछौं मलाई’ भन्दै सोध्छन्।
‘तिमी मेरो शीतल जुन र बिहानको किरण हौं’ जस्ता उपमा दिएर एक अर्काको प्रेममा परेका दृश्यहरु भिडियोमा देख्न सकिन्छ।
भिडिओमा मोडलद्वय पदम गुरुङ र रिया पुन गुरूङको रोमान्स देखिन्छ।
बेलायतका रमणीय स्थानमा भिडिओ छायाकंन गरिएको छ।
निर्देशक श्रेष्ठकै सम्पादन रहेको गीतका शब्द शृजना बिनोद गुरूङले गरेका हुन् भने गीतमा संगीत उत्तमजंग लिम्बुले भरेका छन्।
संजय शाहको एरेन्जमेन्ट रहेको गीतमा विकास धमलाको कलर, दीपिका श्रेष्ठको कोरियोग्राफी देख्न सकिन्छ।
