दीपेन्द्र लामाले निर्देशन गरेको फिल्म '२ नम्बरी' असोज २१ गतेदेखि प्रदर्शन हुँदैछ।
यो फिल्मको शीर्ष गीतका लागि निर्माण पक्षले केही साता अगाडि प्रतियोगीता राखेका थिए। शीर्ष गीतका लागि ६१ वटा गीत प्राप्त भएको निर्माण पक्षले जनाएको छ।
प्राप्त ६१ वटा गीतमध्ये भूषण खतिवडाले लखेको गीत उत्कृष्ट भएको छ। उनले लेखेको गीत फिल्ममा प्रयोग हुनेछ। साथै उनले ५० हजार नगद पुरस्कार समेत जितेका छन्। अब फिल्मको शीर्ष गीतमा उनकै शब्द, संगीत र स्वर रहने प्रस्तुतकर्ता किरण नेपाली बताए।
दुई साथीको मित्रतालाई देखाइएको फिल्ममा सौगात मल्ल, दयाहाङ राई, उपासना सिंह ठकुरी, उगेन छोदेन, बुद्धि तामाङ, पुष्कर गुरुङ, शारदा गिरी, कविता आले, प्रकाश घिमिरे, सुष्मा निरौला, श्रेयांश पौडेल, विश्वास गुरुङ, डिबी गुरुङ, राजु थापामगर, सागर शाह ठकुरी, सतिश सिंह खत्री, गणेश बस्याल, राजकुमार राईलगायत कलाकारको अभिनय छ।
फिल्ममा सौगातको जोडी उपासना र दयाहाङको जोडीको रुपमा उगेनलाई देख्न सकिन्छ। भुटानी अभिनेत्री उगेन याे डेब्यू नेपाली फिल्म हाे।
दीपक मनाङ्गे, अमलादेवी राई र जयस श्रेष्ठको लगानीमा बनेको फिल्मलाई किरण नेपालीले प्रस्तुत गरेका हुन्।
सरोज नेपाली कार्यकारी निर्माता रहेको फिल्मको सह-निर्मातामा मिठु तामाङ्नी रहेकी छिन्। सुशान्त प्रजापतिको छायांकन रहेको फिल्मलाई निमेष श्रेष्ठले सम्पादन गरेका हुन्।
