रमेश एमके पौडेलको निर्माण तथा निर्देशनमा बनेको फिल्म 'तिम्रो मेरो साथ' को प्रदर्शन मिति घोषणा भएको छ।
यो फिल्म आगामी पुस २९ गतेबाट प्रदर्शनमा हुनेछ।
रमेश एमके पौडेलको प्रस्तुति रहेको फिल्ममा साम्राज्ञी राज्यलक्ष्मी शाह, पुष्प खड्का, सन्दिप क्षेत्री, सरोज खनाल, खड्क बहादुर पुन, इमिली लामा, दिपिसा केसीलगायत कलाकारको अभिनय छ। इमिली लामा र दिपिसा केसी यही फिल्मबाट डेब्यु गर्दैछन्।
आर्यन फिल्म्स प्रालि र बोधी एचडी ब्यानरमा बनेको फिल्मको कथा सबिर श्रेष्ठ र बाबुराम निरौलाले लेखेका हुन्।
पासाङ लामा निर्माता रहेको फिल्मको कार्यकारी निर्माता सबिर श्रेष्ठ हुन्। फिल्ममा निरू भण्डारी, अशोक पोखरेल, सुमन पौडेल, सुधिर पराजुली सह-निर्माताका रूपमा रहेका छन्।
शिव ढकालले छायांकन गरेको फिल्मलाई भूपेन्द्र अधिकारीले सम्पादन गरेका छन्।
